تصريحات صادمة للفنانة شيرين عبد الوهاب عبر مداخلة هاتفية في برنامج “كلمة أخيرة” مع الإعلامية لميس الحديدى حول ازمتها مع طليقها حسام حبيب و هذا أهم ما قالته :”حسام حبيب طلب 10 % من أرباح شغلى.. أنا اتجوز قرد ومارجعش ليه تانى.. ومش عايزة أعرف حد اسمه حسام تانى”.
وتابعت قائلة :”أنا أسفة للناس عشان كدبت عليكوا، و طلعت قلت ما بيخدش منى فلوس، هتعب عشان أرجع تانى شيرين اللى ضيعتها.. وعلاقتى بحسام عمرها ما كانت حب.”
واستطردت :”حبِّتُه عقربة أنا في حياتي عمري ما تأذيت بالشكل ده غير منه.. إنسان بيغتاب كل الناس، أطالب الشعب المصري والجمهور العربي، أي حد يشوف الإنسان دا يتبول عليه”.
و واصلت شيرين قائلة : “كنت بجمل صورته وكذبت كتير، أنا عاوزة أستغفر ربنا على كذبي بشأنه طيلة الفترة السابقة، وعربيتي المرسيدس كانت باسمه، واتسرقت وإحنا في الساحل الشمالي وعاوز يعملي محضر يتهمني بسرقتها.”
و وجهت الفنانة المصرية رسالة قاسية لطليقها قائلة:”فوق يا ابني واعرف أنت بتكلم مين.. أنا من القلعة.. دا أنا أتجوز الفيل أبو زلُّومة أو القرد اللي في جنينة الحيوانات ولا أرجع له تاني.”
و أضافت :”عيالي في آخر يوم كانوا هيتضربوا بالرصاص، وكنا قاعدين في الأوضة بتاعت الاستوديو، فماسك العلبة اللي فيها رصاص وراح مديني رصاصة و بيهددني”.