من خلال فقرة “مشاهير في الكوزينة”، نقدم لكم قراء ومتتبعي جريدتي “خميسة.ma”، و “le12.ma” عربية، خلال الشهر الفضيل الوجه الآخر لمشاهير من شتى المجالات، و علاقتهم مع المطبخ خاصة خلال شهر رمضان الكريم الذي يتطلب تعاون الزوج والزوجة في تحمل أعباء “الكوزينة”.
حلقة اليوم مع أفضل حارس بالبطولة عام 2018 عبد الرحمان الحواصلي حارس حسنية أكادير:
* بداية بغينا نعرفو واش كتعاون مرآتك خلال شهر رمضان في الكوزينة ؟
ضحك تم قال للأسف لا، وقليل فاش تندخل للكوزينة، لأني لست من هواة الطبخ، راه عندو مولايه، لكن بعد المرات نقدر نهز شي طباسل من الطابلة نديهم للكوزينة.
* إلا سولناك اليوم أشنو وجدتو لطبلة فطور رمضان، أش غادي يكون الجواب ديالك ؟
عادي أولا بصفتي رياضي وملتزم مع فريق حسنية أكادير تتكون عندي تداريب مع العشرة ليلا، متنفطرش بزاف، وطابلة بحال المغاربة غير أنا عزيز عليا أتاي ضروري يكون في الفطور مع التمر والحليب وعصير الليمون وشي بصطيلة صغير ديال الحوت، تنخلي حتى وقت العشا.
* أشنو الشهيوة لي كتقن تطيبها في رمضان ؟
تيضحك مرة أخرى، بيني وبينك معنديش مع هذه الهواية ديال الطبخ لكن ملي تتفرضها الظروف تنسايب طجين حيت هو لي ساحر مرة باللحم ومرة بالدجاج، ومتنعرفش نسايب الحوت.