من خلال فقرة “مشاهير في الكوزينة”، نقدم لكن متتبعات المجلةالنسائية “khmissa.ma” و قراء الجريدة الإلكترونية “le12.ma” عربية، خلال الشهر الفضيل الوجه الآخر لمشاهير من شتى المجالات، و علاقتهم مع المطبخ خاصة خلال شهر رمضان الكريم الذي يتطلب تعاون الزوج والزوجة في تحمل أعباء “الكوزينة”.
حلقة اليوم مع الفنان الكوميدي زهير زائر
– بداية بغينا نعرفوا واش كتعاون مراتك أو عائلتك في الكوزينة في رمضان ؟
أولا أنا ممزوجش رغم ما يروج أنا خاطب فقط مزال مكمل الله.. ثانيا ضروري تنعاون في الكوزينة..وأنا من عشاق الطبخ و تنحط الشهيوات لي تنصايب في صفحتي الرسمية بإنستغرام، يعني عندي مع الكوزينة.
– إلا سولناك أشنو تتوجدوا لطبلة رمضان، أش غادي يكون الجواب ديالك؟
ضروري يكون البطبوط معمر و العواصر وأ تاي و معنديش مع الحريرة.. أما شي الأخر طابلة عادية..
– أشنو الشهيوة لي كنعرف طيبها بها في رمضان ؟
راه الصفحة ديالي في “أنستغرام” عامرة شهيوات و خاصة الحشوة المعمرة..لكن كاينة حاجات أخرى تنعرف نطيبها مزيان و هي الطاجين بالبصلة والزبيب…
– أشنو تقول للمغاربة في هذا رمضان ؟
بغيت نقول للمغاربة رمضان مبارك سعيد و شكرا ليهم على الدعم و السند و بغيت نقول ليهم تنبغيكم..وبزاف.