من خلال فقرة “مشاهير في الكوزينة”، نقدم لكم قراء ومتتبعي جريدتي خميسة.ma، و “le12.ma” عربية، خلال الشهر الفضيل الوجه الآخر لمشاهير من شتى المجالات، و علاقتهم مع المطبخ خاصة خلال شهر رمضان الكريم الذي يتطلب تعاون الزوج و الزوجة في تحمل أعباء “الكوزينة”.
حلقة اليوم مع الممثل الكوميدي ياسين أحجام:
*بداية بغينا نعرفو واش كتعاون مرآتك خلال شهر رمضان في الكوزينة؟
طبعا كانعاون الزوجة ديالي.. أنا لي تنتقضى المسائل ديال الدار .. أما أشغال الكوزينة، تنعاون على قد الحال يعني الأشياء لي تنعرف ليها بحال العصير شلاظة، انا مشي متمكن في ميدان الفن لكن على قد الحال.
*إلا سولناك اليوم أشنو وجدتي لطبلة فطور رمضان، أش غادي يكون الجواب ديالك؟
طبلة عادية شلاظة وعصائر مختلفة وتمر والشباكية و la soupe، وطبق الحوت، مشي كل نهار يعني كلما سمحات الظروف، مهم طبلة كمثل فطور الشعب المغربي..
*أشنو الشهيوة لي كتقن تطيبها في رمضان؟
ماتنعرف نطيب حتى أكلة واخا مرة مرة تنبغي نحاول لكن متنعرفش..تنعتامد على مراتي في مسائل الطبخ.