خميسة
انتشرات على مواقع التواصل الاجتماعي خلال الأيام الماضية، صور لشابة تدعى فدوى الحبيب، كيشبهوها بالفنانة دنيا بطمة.
أو بالإضافة لقبها كملكة جمال العارضات لعام 2019، صبح لفدوى لقب جديد هو « شبيهة دنيا بطمة ».
وفِلقاء مع برنامج « إيتي بالعربي »، قالت الحبيب: « ليا الشرف أنني نشبه لدينا بطمة هي فنانة كبيرة وعزيزة عليا بزاف وكنحماق عليها وأنا من المعجبين ديالها ».
وتابعت: « كتعجبني طريقة اللباس ديالها والطريقة كيفاش كتعامل والله يوفقها… وأنا مكنقلدهاش أنا فطبيعتي هاكا ».
وعبرت الموديل المغربية وهي أم لثلاثة بنات على حبها الكبير لعالم الموضة، وقالت: « شاركت في مسابقات جمال وكنحب الفاشن وكندير موديل وشاركت فعدة مسابقات ومهرجانات وفزت بلقب ملكة جمال العارضات 2019 ».
وأكدات المتحدثة أنها ماخضعات لأي عملية تجميل باش تصبح بحال دنيا بطمة، « أنا مديراش عملية تجميل من غير سناني صاوبتهم ».