من خلال فقرة “مشاهير في الكوزينة”، نقدم لكِ سيدتي متتبعة مجلة خميسة.ma، و متتبعي جريدة “le12.ma ” عربية، خلال الشهر الفضيل الوجه الآخر لمشاهير من شتى المجالات، وعلاقتهم مع المطبخ خاصة خلال شهر رمضان الكريم الذي يتطلب التعاون في تحمل أعباء ” الكوزينة “.
حلقة اليوم مع الإعلامي بلال مرميد مقدم البرنامج الشهير “FBM” :
بداية بغينا نعرفوا واش كتدخل طيب في الكوزينة في رمضان و لا لا ؟
” غادي نجاوبك بكل صراحة، أنا مفضي في الكوزينة و كنوجد و أنا مضطر ندخل ليها و مجبر و تحت الضغط عاد كندخل و هذه حاجة ما مفتاخرش بيها”.
إلا سولناك اليوم أشنو وجتي لطبلة فطور رمضان، أش غادي يكون الجواب ديالك ؟
” وجدنا داكشي بسيط بحال كاع المغاربة و قليل بطبلة عادية بلا حريرة مع أكلات خفاف من هذه عامين و حنى كنوجدوا نفس الطبلة بالنظر لأنه حتى صحيا وليت مرتبط بداكشي القديم لي كان كيطحت في الطبلة المغربية من هذه شحال”.
أشنو الشهيوة لي كتقن تطيبها في رمضان ؟
” أتاي بوحده و داكشي لي كيتعلمه الإنسان مني كيكون طالب بحال هادشي لي قلتِ دابا مقالي ديال البيض و الكفتة شي حاجة بحال هاكدا و كنظن بلي خاصني ننفاتح على التعلام في هادشي لأنه غادي نحتاجه طبعا أما داكشي ديال نطيب الطواجن والوا بالعكس كيبان لي أنا شي أحد لي كيوجد هادشي راه شي عالم ههههه، علاقتي بالكوزينة شبه منعدمة باش نكون معاك صريح”.