من خلال فقرة “مشاهير في الكوزينة”، نقدم لكم قراء ومتتبعي جريدتي خميسة.ما، و “le12.ma” عربية، خلال الشهر الفضيل الوجه الآخر لمشاهير من شتى المجالات، و علاقتهم مع المطبخ خاصة خلال شهر رمضان الكريم الذي يتطلب تعاون الزوج والزوجة في تحمل أعباء “الكوزينة”.
سابع حلقات الشهر الفضيل مع الممثل والمخرج المغربي طارق البخاري
*بداية بغينا نعرفوا واش كتعاون العائلة في الكوزينة في رمضان؟
ضروري ما كانعاون في رمضان، و كنقدر نخلي “المدام” ديالي مع الدراري و كنوض نطيب و ماعنديش مشكل في هادشي و حتى من غير رمضان حيت هذا واجب علينا”.
*إلا سولناك اليوم أشنو وجدتي لطبلة هذا اليوم من رمضان، أش غادي يكون الجواب ديالك؟
أنا دابا خدام في “شدى تيفي”، وحتى اللحظات الأخيرة عاد كنبدى نفكر في أشنو نقدر نوجدوا للفطور بالمشاورات ديال “المدام” بالطبع، ومع ذلك ما تخفيش عليا كنعرف ديباني راسي، ومن المنبر ديالكم هاذي فرصة باش نوصي الناس باش ميضيعوش الماكلة ويحاولو يوجدوا غير الكميات الكافية لأني كنشوف أغلب ديال العائلات في هذه المناسبات الدينية كيبقاو يتشهاو بزاف وفي الأخير متياكلوا والو.
*اشنو الشهيوة لي كتقن تطيبها في رمضان؟
أي recette تنقلب عليها، وتنقدر عليها مزيان ، وتنصايبها على حقها وطريقها، وخصوصا الطواجن على الفاخر ماشي على البوطة، وحتى من “الشوشي” كنعرف نطيبو، وتنطيب رحتى “wook“، وتنطيب بعض الوصفات الجنوب الإفريقية، غير الكسكس والرفيسة واعرين عليا متنعرفش ليهم.