خميسة
بطريقة كوميدية، انتقد الممثل عزيز داداس ظروف عمل الممثلين في المغرب، لي كيلقاو راسهم كيصورو أكثر من 12 ساعة في النهار وماشي فظروف مثالية.
أوخرج داداس ففيديو نشراتو الممثلة مجدولين الإدريسي على حسابها في فيسبوك، وهو من كواليس المسلسل الجديد لي كيصورو من إخراج جيهان بحار، وقال ان براد بيت كيخدم مزيان وفنان عالمي حيت كيصور ساعتين فالنهار ويمشي بحالو، ماشي بحالنا حنا النهار كامل وحنا نضربو.
داداس انتقد تفاصيل بلاطو التصوير، من ساعات الخدمة للماكياج لي وصفو بالبيريمي، وهادشي خلا الفيديو يتنتشر على نطاق واسع فمواقع التواصل.