علقت الفنانة هنا شيحة، على الانتقادات التي تتعرض لها شقيقتها الفنانة حلا شيحة، بسبب خلعها الحجاب وقرار عودتها للفن مرة أخرى و تراجعها عن الاعتزال لأكثر من مرة ، خلال حلولها ضيفة باحدى البرامج التلفزيونية .
و أوضحت هنا قائلة: “إحنا إخوات برا الوسط الفني، لكن أنا كفنانة مليش علاقة بيها كفنانة، وهي ليها اختياراتها وحياتها ومينفعش أتدخل في ده.. أو يبقى ليا رأي سواء كان مع أو ضد.”
وأضافت: “أنا مبتدخلش في حاجة متخصنيش.. بشوف إن كل بني آدم مسئول عن نفسه، في ناس بتقولي إنتي أختها.. بس أنا مش المحامية بتاعتها ولا المتحدثة الرسمية، فياريت محدش ياخد رأيي ولا يسألني عن المواضيع الخاصة دي”.
و اختتمت بالقول: “أنا مبدخلش في الحياة الشخصية لأي شخص وكل شخص ليه الحرية في حياته الشخصية، وإحنا مش شغلتنا نتحكم في بعض ولا نحكم على بعض ولا نجلد بعض، علاقة الشخص الدينية دي بينه وبين ربنا، أنا مالي مبتدخلش في حياة حد، ولا مرة طلعت اتكلمت في موضوع أختي ولا موضوع أي فنانة المواضيع الخاصة دي أنا مبتكلمش فيها”.
