من خلال فقرة “مشاهير في الكوزينة”، نقدم لكم متتبعات المجلة النسائية “Khmissa.ma”، و قراء “le12.ma” عربية، خلال الشهر الفضيل الوجه الآخر لمشاهير من شتى المجالات، و علاقتهم مع المطبخ خاصة خلال شهر رمضان الكريم الذي يتطلب تعاون الزوج و الزوجة في تحمل أعباء “الكوزينة”.
حلقة اليوم مع الفائز بمسابقة “استوديو دوزيم” موسم 2005 المطرب المغربي حاتم عمور :
– بداية بغينا نعروفوا واش كتعاون مرآتك في الكوزينة في رمضان ؟
بصراحة لا معنديش مع الكوزينة..لكن تنتسخر وتنتقدا من على برا و تنعاون مرة مرة في شغالات الدار أما الكوزينة أنا سيئ فيها..
– إلا سولناك أشنو تتوجدوا لطبلة رمضان، أش غادي يكون الجواب ديالك ؟
الحريرة و البريوات و البغرير و أتاي ضروري يكونوا في الطابلة..زيادة على الشهيواة لي تتوجد مراتي..و عاد الحليب و التمر و العصير..مهم معنديش مع التغماس..
– أشنو الشهيوة لي كنعرف طيبها بها في رمضان ؟
كيف قلت ليك من قبل أنا سيء في الكوزينة لكن تنعرف نطيب البيض بالخليع وتنعرف نصايب أتاي واخا مشي أكلة..
– أشنو تقول للمغاربة في هذا رمضان ؟
بغيت نقول للمغاربة رمضان مبارك سعيد وعيد مبارك سعيد.. وتنطلب من الله يحفظهم ويبعد علينا هذا الوباء.. وانتم الله يوفقكم و أتمنى لكم مسيرة موفقة..