كاتوقع المديرية ديال الأرصاد الجوية، اليوم الجمعة تنزل زخات مطرية لي غتكون رعدية بالشمال، الريف، الواجهة المتوسطية والأطلسين المتوسط والكبير، مع احتمال اكون برد فالشمال.
وغاتنتاشر ضبابة كثيرة نوعا ما فالوسط وبالأطلس الصغير، مع نزول ديال أمطار ضعيفة محليا، هادشي مع الثلوج لي غاطيح فمرتفعات الريف والأطلسين الكبير والمتوسط لي كايتعدى العلو ديالها 1700 متر، او غايكون الطقس بارد نسبيا فوق المرتفعات والهضاب العليا.
وغايكون الريح قوي فالقطاع الغربي ديال شمال البلاد، أو بالمنطقة الشرقية وبمرتفعات الريف والأطلس.
وغاتراوح درجات الحرارة الدنيا ما بين ناقص 05 و03 درجات بمرتفعات الأطلس، الريف والهضاب العليا الشرقية، وما بين 08 و13 درجة بشمال المنطقة الشرقية، السفوح الجنوبية الشرقية، السايس وهضاب الفوسفاط ووالماس، وما بين 13 و15 درجة بالسهول الشمالية والوسطى، الواجهة المتوسطية، سوس وشمال الأقاليم الجنوبية، وما بين 14 و18 درجة بأقصى الجنوب.
فيما غاتكون درجات الحرارة العليا ما بين 01 و06 درجة فمرتفعات الأطلس والريف، وما بين 13 و15 درجة فالمنطقة الشرقية، هضاب الفوسفاط، ووالماس، وما بين 20 و25 درجة بالجنوب، وما بين 16 و20 درجة بباقي المناطق.
البحر غايكون قليل الهيجان إلى هائج بالواجهة المتوسطية، وهائجا إلى قوي الهيجان بمنطقة البوغاز وشمال الداخلة، وقليل الهيجان إلى هائج بالجنوب.