أثار الفنان حسام حبيب الجدل بعد دفاعه عن طليقته الفنانة شيرين عبد الوهاب على خلفية الأزمة الأخيرة التي تعرضت لها بسبب تصريحها المثير للجدل خلال حفلها في الكويت. ورغم تدارك شيرين الأمر واعتذارها، إلا أن الجدل استمر وصولاً إلى إحالتها للتحقيق.
وقال حسام في منشور عبر حسابه على “إنستغرام”:بجد، هو في كده أخ أثناء موت أخوه؟ دمه ما بردش، بيقولك أحنا من عادتنا في الظروف دي ما نتفرجش على حاجة، وهو داير على كل البرامج حاجة غريبة… ماسمعش وماخدش باله أنها كرمته وطلبت من الحضور قراءة الفاتحة والدعاء له. كلنا عملنا كده لأنها فكرتنا. يا راجل، أنت ما عملتهاش ومسك في غلطة غير مقصودة واعتذرت عنها في وقتها.”
وواصل حبيب توجيه انتقاداته:”عاوز أسألك سؤال: طلعت في كام برنامج وكام مداخلة من ساعة الوفاة؟ وهل كانت مدفوعة الأجر ولا بدون؟ وأخيراً، ممكن نشوف شهادة الدكتوراه؟ في حالة عدم الجواب، الكل هايفهم.”
واختتم قائلا:”حابب أقول للناس اللي دايماً بيفترضوا سوء النية… أنا مش بدافع عن حد، أنا بدافع عن الحق من وجهة نظري. واللي مش عاجبه عارف يروح يشرب من فين.”