تشارك النجم المصري تامر حسني ، مجموعة نصائح مع متابعيه عبر حسابه انطلاقا من تجربته في تحقيق النجاح في الحياة المهنية.
و في منشور مظول كتب تامر حسني: “اللي ملوش كبير بيشتري له كبير، مقولة جميلة بس أنا من خلال رحلتي وقد إيه في قوة جبارة الإنسان بيستمدها من اللي بيحبهم بكل جوارحه… طبعاً كلامي عن النجاح العملي في العمل اللي تحبه”.
وأضاف المتحدث: “حبيت أقول المقولة بطريقة تانية، وهي اللي ملوش مثل أعلى، يشتري له مثل أعلى، والله والله والله لما بتحب حد ناجح، وتتأثر برحلته أو طريقته ونجاحه، فعلاً بتقدر تبقى زيه وممكن أحسن كمان… ممكن طبعاً تنجح من غير ما يكون عندك مثل أعلى، بس تركيزك بيبقى أقوى بكتير، مع مثال قدامك حي بيخليك تشوف رحلته قدامك، زي دليل ينورك على خطوات أنت متعرفش نتايجها، بس بتعرفها من خلاله بتشوف تفكيره في التطوير وتفكيره إزاي يتخطى الأزمات وتفكيره في المواكبة لكل مرحلة في حياته إزاي كسر سقف نجاحه، معلش بحب أوصلكم أي حاجة كويسة بتعلمها في حياتي”.
واختتم بالقول: “اللي ملوش مثل أعلى يشتريله مثل أعلى، يعني يدور ويركز مع حد يحبه ويتعلم منه، ومش شرط في مجاله ممكن تحب حد في مجال تاني، وتحاول تطبق مراحله في مجالك ده، كان كلام من واقع تجربتي، ورأيي الشخصي… ربنا يوفقكم كلكم وتوصلوا لأبعد من أحلامكم، وتبقوا أنتوا كمان مثل أعلى لناس بعدكم”.
