حل الفنان المصري الكبير لطفي لبيب ضيف بالبرنامج التلفزيوني المصري مع خيري ، الذي يذاع على قناة “المحور” حيث قال لطفي لبيب : “احنا اليومين دول عايشين في عصر شبيه ببشتكة الدومينو، نعيش عصر البشتكة”.
وأضاف في حديثه : “نعيش عصر البشتكة لإن الدنيا كلها بتتغير والمناخ والإقتصاد بيتغير والجغرافيا بتتغير، بس التاريخ عمره ما يتغير”.
وتابع: “أنا زعلان من الكوكب لإنه عامل مشاكل في بحر الصين ومضيق المندب والسودان والنيجر وأوكرانيا وطبعا غزة دي حكاية لوحدها”.
وأضاف أيضا:”ربنا مبيغضبش أبدا على ناسه ولو الناس أفسدت في الأرض هما اللي بيتحملوا مسئولية الإفساد، ربنا مبيقدمش الا كل خير، فمش عارف ايه اللي بيحصل في البشتكة اللي بتحصل دي”.
واختتم حديثه بالقول: “أنا قطرة من بحر مش عارف فين الميناء بتاعته، كلنا دلوقتي نفتقد الرؤية معندناش الرؤية المستقبلية ومش عارفين بكرة فيه ايه، المتغيرات كتيرة جدا بس لازم نكون واثقين جدا اننا هنعدي بقوة وأي حرب حصلت في مصر إلا ويأتي بعدها رخاء”.