علقت الفنانة المصرية هنا الزاهد ، على حدث طلاقها من الفنان أحمد فهمي خلال حلولها ضيفةً ببرنامج “كلاكيت” مع الإعلامية لينا الطهطاوي عبر إذاعة “نجوم إف إم”.
وعلقت هنا على انفصالها على أحمد فهمي قائلة: “مش لازم كل اتنين يبقوا مع بعض ويبقى فيه مشاكل، فيه ناس مش بيتوافقوا مع بعض وبيبقى في منتهى الشياكة والاحترام وكنا أصحاب في الأول وفيه بينا عشرة خمس سنين وهو شخص محترم جداً، ومفيش أي ضغينة”.
وأضافت: “ومش شايله هم أشوفه وشوفنا بعض في “جوي أوردز” وسلّمنا على بعض وهو دلوقتي صديق وزميل في المهنة وده عشرة طويلة، وأي حد بيجيب سيرة أي حد تبعه أو هو بحط إيدي في عينه”.
و اختتمت حديثها بالقول: “الحياة مش بتقف، فيه حاجات بتضطري فيها تقولي لا خلاص النصيب لحد هنا، وده مش معناه إني وحشة أو هو وحش والحياة بتكمل، في الأول الحاجة صعبة جداً عشان فيه عشرة والحياة مكمّلة ولازم تقفي والحمد لله أنا تمام وهو مبسوط جداً وإحنا أصحاب.. فيه ناس بتبقى متضايقة، والحياة قصيرة جداً لازم تشوفي حياتك، ولو عايزة أي حاجة هكلّمه، ولو هو عايز أي حاجة هيكلّمني وإحنا أصحاب في الآخر”.