خرجت ريم طارق، زوجة مطرب المهرجانات حسن شاكوش، عن صمتها بخصوص الانتقادات التي تعرّضت لها بسبب سجودها بفستان الزفاف في عرسها، والتي أثارت جدلا كبيرا على مواقع التواصل الاجتماعي.
وقالت ريم طارق، خلال تصريحات لبرنامج “et بالعربي”: “كنت واخدة عهد على نفسي إني أسجد بعد الفيرست لوك… وحسن إنسان جدع ويستاهل“.
وكانت الإعلامية رضوى الشربيني قد علّقت على واقعة سجود زوجة حسن شاكوش خلال حفل زفافهما مؤكدةً أن “الحركة أوفر جداً”.
وقالت الشربيني: “هقول إيه، ست فرحانة بتعبّر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس، صحيح هي حركة أوفر جداً، وآخر حاجة كنا بنشوفها إن لعيبة الكورة يسجدوا لما يجيبوا جول، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناش الكلام ده قبل كده”.
ولكن كل واحد من حقه يعبر عن فرحته بالطريقة اللي تعجبه”.
وتابعت، “كل واحد من حقه يعبر عن فرحته بالطريقة اللي تعجبه”، مضيفة، “أنا واحدة ست هانم أنزل على ركبي ومنها على الأرض قدام الناس بفستان الفرح ميصحش”.
وأردفت، “وأنا كأنثى بأقول لا، ومشكلتنا والخوف لو تحول الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبداً. لما آجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده”.
https://www.instagram.com/reel/CpsoTyaKc2N/?utm_source=ig_web_copy_link